Pas përfundimit të periudhës së votimit në Kosovë, kryetari i Aleancës, Ardian Gjini, ka falënderuar qytetarët për pjesëmarrjen e tyre në zgjedhje, duke vlerësuar ushtimin e së drejtës demokratike nga votuesit.
Përmes një postimi në Facebook, Gjini u ka bërë thirrje komisionerëve dhe vëzhguesve që të jenë korrekt në procesin e numërimit të votave, duke theksuar rëndësinë e respektimit të vullnetit të qytetarëve dhe shmangien e gabimeve të së kaluarës.
“Faleminderit të gjithë juve që sot keni dalë për të votuar duke shprehur me votë vullnetin tuaj. Tash, kur ky proces është përmbyllur në të gjithë Kosovën, u bëj thirrje të gjithë komisionerëve dhe vëzhguesëve të jenë korrekt në numërim, të kujdesen që demokracia që populli e ka vendosur në kuti të votimit të jetë ajo e vërteta dhe të mos përsëriten gabimet e së kaluarës. Vetëm duke punuar drejtë, kujdesemi bashkë që vullneti i sovranit të respektohet. Faleminderit të gjithëve! Mbarësi e përjetshme për demokracinë tonë”, ka shkruar Gjini./teve1.info/
