Një person është arrestuar të dielën në Burgun e Dubravës, pasi në cilësinë e vizitorit ka kanosur një oficer korrektues.
Zëdhënësi i Policisë për rajonin e Pejës, Driton Rugova ka konfirmuar për tëvë1.info se pas intervistimit, i dyshuari është liruar në procedurë të rregullt.
“Sot rreth orës 09:00 të mëngjesit Policia është informuar nga Burgu i Dubravës se një person, në cilësinë e vizitorit, pasi ka hyrë në objektin e burgut, e ka kanosur një oficer korrektues. Policia ka shkuar në vendin e ngjarjes, është arrestuar personi dhe pas intervistimit është liruar me procedurë të rregullt”, ka deklaruar Rugova./teve1.info/
