Zyrtari i Listës Serbe, Igor Simiq, ka mbajtur një fjalim me tone të theksuara nacionaliste, duke përdorur referenca historike serbe dhe duke bërë thirrje për “kthim te rrënjët”.
Në deklaratën e tij, Simiq përmendi figura historike si Brankoviqët, Jugoviqët, Obiliqët dhe Hrebeljanoviqët, duke thënë se populli serb “nuk u ka ngritur kurrë përmendore atyre që janë larguar nga rrënjët e tyre”, ndërsa shtoi se “vetëm këtu janë në shtëpinë e tyre”.
Ai gjithashtu pretendoi se aktivistët e Listës Serbe janë “keqtrajtuar, legjitimuar dhe arrestuar jo sepse janë kriminelë, por sepse janë serbë të ndershëm që mbajnë me krenari flamurin e tyre trengjyrësh”.
Deklarata e Simiq vjen në prag të zgjedhjeve, në një periudhë të ndjeshme politike dhe të tensioneve të vazhdueshme në veri të Kosovës.
