Në margjinat e Samitit BE–Ballkani Perëndimor në Tivat, Ushtruesja e Detyrës së Presidentes së Republikës së Kosovës, Albulena Haxhiu, është takuar me Kryeministrin e Çekisë, Andrej Babiš.
Gjatë takimit, Haxhiu ka falënderuar Çekinë për mbështetjen e vazhdueshme ndaj Kosovës në procesin e shtetndërtimit, integrimeve euroatlantike dhe forcimit të subjektivitetit ndërkombëtar.
Ajo ka vlerësuar marrëdhëniet mes dy vendeve dhe ka theksuar rëndësinë e avancimit të përfaqësimit diplomatik, si shenjë e bashkëpunimit dhe besimit të ndërsjellë.
Në bisedë është diskutuar edhe rruga evropiane e Kosovës dhe procesi i zgjerimit të BE-së.
Haxhiu ka kërkuar mbështetje të mëtejshme të Çekisë për hapat e ardhshëm të Kosovës në procesin e integrimit evropian, përfshirë avancimin drejt statusit të vendit kandidat.
Po ashtu, është theksuar potenciali për thellimin e bashkëpunimit ekonomik në fusha si energjia, teknologjia e gjelbër, inovacioni, digjitalizimi, shëndetësia dhe infrastruktura.
Në fund, Haxhiu ka shprehur mirënjohje për kontributin e Çekisë në misionin e KFOR-it dhe për angazhimin në ruajtjen e paqes dhe stabilitetit në Kosovë dhe rajon./teve1.info/
