Zëvendësministri i Jashtëm i Iranit, Kazem Gharibabadi, i ka kërkuar Këshillit të Sigurimit të OKB-së që të “kalojë përtej fazës së shprehjes së shqetësimit” dhe të “miratojë vendime ndëshkuese dhe detyruese” kundër Izraelit.
Kriza e Lindjes së Mesme është “produkt i krimeve dhe pandëshkueshmërisë së regjimit sionist, i cili shkel sovranitetin e qeverive, i bën armëpushimet të pakuptimta dhe përdhos shenjtëritë e palestinezëve”, tha Gharibabadi në një postim në X.
“E drejta ndërkombëtare nuk mbështetet nëpërmjet dënimeve me kosto të ulët dhe joefektive”, shtoi ai, citon Al Jazeera.
“Në këtë drejtim, pretendimi i presidentit amerikan se e ka bindur Netanyahun të mos nisë një sulm të madh në Bejrut është më shumë sesa një shenjë e kërkimit të paqes nga Uashingtoni, është konfirmim i rolit të drejtpërdrejtë të Amerikës në menaxhimin e agresioneve të regjimit sionist”, tha Gharibabadi.
“Nëse vendimi për të sulmuar kryeqytetin e një shteti të pavarur mund të ndryshohet me një telefonatë të vetme, pyetja kryesore është: pse vazhduan pa u pakësuar muaj të tërë shkeljesh të armëpushimit, agresionit kundër Libanit, zhvendosjes së popullit të tij dhe kërcënimeve ndaj sovranitetit të këtij vendi – të mbështetura nga mbështetja politike dhe ushtarake perëndimore?”, tha ai.
