Kandidati për kryeministër nga Partia Demokratike e Kosovës (PDK), Bedri Hamza, ka deklaruar se ndryshimi politik në vend është afër.
Përmes një postimi në Facebook, Hamza ka bërë të ditur se po zhvillon takime “shtëpi më shtëpi” dhe “familje më familje” me qytetarë, të cilët, sipas tij, synojnë t’i japin fund krizës politike dhe të sjellin ndryshimin përmes votës në zgjedhjet e 7 qershorit.
“Shtëpi më shtëpi, familje më familje, me qytetarë që duan t’i japin fund krizës politike dhe ta sjellin ndryshimin me votën e tyre në zgjedhjet e 7 qershorit. Në mesin e tyre nuk jam vetëm si kandidat për kryeministër, por edhe si mik e dashamir i tyre. Mikpritja dhe besimi që po marr janë motivi më i madh për të vazhduar punën për një Kosovë më të mirë për të gjithë.Ndryshimi është afër”, ka shkruar ai ./teve1.info/
