Fillimisht Nuredin Lushtaku u ftua në stacionin e Policisë për intervistim rreth rastit, por më pas avokati i tij konfirmoi për tëvë1 se i njëjti ishte liruar në procedurë të rregullt.
Por të hënën Prokuroria e Mitrovicës, pas grumbullimit të provave kërkoi masën e paraburgimit për ish-nënkryetarin e Komunës së Skenderajt, Nuredin Lushtakun dhe dy familjarët e tjerë të tij. Ndërsa ishte vet Lushtaku i cili u dorëzua tek institucionet e drejtësisë pas vendimit në fjalë.
Të ndaluar për 48 orë janë edhe dy familjarë të tjerë të Lushtakut, F.L., dhe A.L.
Këta të dy po dyshohen për sulm ndaj personit zyrtar, përdorim të armës dhe mbajtje në pronësi të armës pa leje. Edhe për këta të dy Prokuroria ka kërkuar paraburgimin.
Sipas njoftimit të Prokurorisë së Mitrovicës, ekziston dyshimi i bazuar se “F.L., A.L. dhe N.L., me datë 2 korrik rreth orës 23:45 në Skenderaj kanë sulmuar dy zyrtarë policor të stacionit policor në Skenderaj që kanë qenë në detyrë zyrtare dhe gjatë sulmit ka rezultuar me lëndime të zyrtarëve policorë dhe njëri nga zyrtarët është goditur me predhë të armës në këmbë”.
E dy zyrtarët policorë që u sulmuan me ç’rast mbetën të lënduar, u vizituan gjatë ditës së hënë nga përfaqësues të Sindikatës së Policisë. Pas vizitës, nga Sindikata bënë të ditur se gjendja e tyre shëndetësore ishte stabile.
“Sindikata e Policisë iu ofroi policëvembështetje dhe po ashtu i siguroi këta të fundit se do të kenë përkrahjen e Sindikatës në çdo moment. Sindikata e Policisë së Kosovës dënon ashpër çdo sulm ndaj zyrtarëve policorë dhe çdo sulm ndaj Policisë e konsideron si sulm ndaj shtetit.”
Sulmin ndaj policëve e dënuan ministra, deputetë e akterë tjerë të shtetit.
Raporti i gazetares Albiona Hajdari.
