Zëvendëskomandanti i Forcës së Sigurisë së Kosovës (FSK), Gjeneral Major Enver Cikaqi, po merr pjesë në Konferencën e Ushtrive Evropiane 2026 në Gjermani, me ftesë të Komandantit të Ushtrisë Amerikane për Evropë dhe Afrikë, Gjeneral Christopher Donahue.
Sipas njoftimit të FSK-së, kjo konferencë është një nga ngjarjet kryesore të Ushtrisë Amerikane për Evropë dhe Afrikë (U.S. Army Europe and Africa), ku marrin pjesë gjeneralë dhe komandantë të lartë nga vendet aleate dhe partnere.
Në këtë forum ushtarak të nivelit të lartë, përfaqësuesit diskutojnë mbi sfidat aktuale të sigurisë në Evropë, rajon dhe më gjerë, si dhe mbi forcimin e bashkëpunimit në fushën e mbrojtjes dhe sigurisë.
Sipas FSK-së, konferenca shërben si platformë për bashkërendimin e bashkëpunimit ndërmjet ushtrive evropiane dhe forcave amerikane, me qëllim përmirësimin e marrëdhënieve dhe rritjen e gatishmërisë së përbashkët./teve1.info/
