Presidenti ukrainas, Volodymyr Zelenskyy, i ka kërkuar Shteteve të Bashkuara furnizim shtesë me municione për sistemet e mbrojtjes ajrore Patriot, me qëllim përballimin e sulmeve me raketa balistike ruse, sipas një letre të siguruar nga AFP.
Në letrën e datës 26 maj, drejtuar presidentit amerikan Donald Trump, Zelensky kërkon nga SHBA-ja “të na ndihmojë të sigurojmë këtë mjet jetësor mbrojtjeje kundër terrorizmit rus – raketat Patriot PAC-3 dhe sisteme të tjera – për të ndaluar raketat balistike ruse dhe sulmet e tjera raketore ruse”.
Sipas Reuters, letra, e cila iu drejtua edhe Kongresit amerikan, thekson mungesën kritike të raketave të mbrojtjes ajrore në Ukrainë, në një kohë kur Rusia po kërcënon me sulme të reja ndaj vendit.
