Bayern Munich nuk po kalon një verë të qetë dhe kjo për shkak të Robert Lewandowski-t. Polaku ka shprehur dëshirën për t’u larguar në drejtim të Barcelonës, por spanjollët nuk i afrohen vlerës së kartonit dhe shumës që gjermanët kërkojnë.
Pavarësisht kësaj situate, kampionët e Gjermanisë po studiojnë tregun dhe kanë “piketuar” Victor Osimhen, si pasuesin e Lewandowski-t. Mediet gjermane bëjnë me dije se nuk bëhet fjalë për një operacion të lehtë, pasi kartoni i sulmuesit të Napoli-t vlen rreth 120 milionë euro.
Një sulmues i ri, me potencial të jashtëzakonshëm, forcë fizike dhe shumë premtues, ndoshta alternativa më e mirë që në Bavari askush të mos pendohet se nga skuadra mund të largohen 238 golat e polakut Lewandowski.
Megjithatë, pengesat janë prezente. Fillimisht largimi i Lewandowskit, më pas dëshira për të kaluar nga fjalët në vepra, nga 120 milionë që kërkon De Laurentiis për një sulmues të ri, te të paktën 100 milionë euro për të mbyllur një nga “telenovelat” të gjata te bavarezët.
Natyrisht gjithçka duhet të ndodhë sa më shpejt, jo për faktin se Bayern ka rivalitet për Osimhen, por për faktin se klubi napolitan kërkon të dijë se çfarë do të ndodhë midis kampionëve të Gjermanisë dhe Osimhen, pasi dhe Napoli duhet të mendojë për një zëvendësues.
Një efekt “domino” dhe tani çdo gjë varet nga Barcelona, nëse do të ofrojë shumën e kërkuar nga bavarezët për të rrëmbyer shërbimet e Lewandowski-t apo jo.