Zëvendësministrja e MASHT-it, Edona Maloku-Bërdyna, ka njoftur se që nga viti shkollor 2023/2024 do të bëhet obligative vijimi i fëmijëve në parashkollorë nga mosha 5-6 vjeçe, raporton teve1.info
“Me Projektligjin për Edukimin në Fëmijërinë e Hershme klasa parafillore, pra edukimi për fëmijë i moshës 5-6 vjeç bëhet i obliguar në Kosovë duke filluar nga viti shkollor 2023/2024”, ka thënë ajo.
Maloku-Bërdyna theksoi se ky Projekligj ka kaluar tani më të githa fazat paraprake, ku ka marrë kontribut nga palët e interesit.
“Projektligji ka kaluar tani më të gjitha fazat e diskutimeve paraprake ku ka marrë kontribut nga të gjitha palët e interesit, përfshirë edhe komunitetin këshillues për Edukimin në Fëmijërinë e Hershme që MASHT-i e ka krijuar si trup këshillues me përbërje të gjerë për të na ndihmuar në zhvillimin e implementimin e duhur të politikave të Edukimit në Fëmijërinë e Hershme”, theksoi ajo, shkruan teve1.info.
Sipas saj, me këtë Projektligj shënohet një hapë para jo vetë në zhvillimin dhe avancimin e sferave për fëmijët, por edhe në zhvillimin e përgjithshëm të sistemit edukativo-arsimor, social e ekonomik në Kosovë.
“Me këtë ne po shënojmë një hapë para jo vetëm në zhvillimin dhe avancimin e sferave së edukimit për më të vegjëlit tanë por edhe në zhvillimin e përgjithshëm të sistemit edukativo-arsimor, social e ekonomik në vend”, tha ajo.
