Presidenti iranian, Masoud Pezeshkian ka thënë të hënën se Teherani nuk do të pranojë “kërkesa të tepërta” nga Shtetet e Bashkuara në negociatat e ndërmjetësuara nga Pakistani, sipas medias iraniane IRNA.
Gjatë një takimi me anëtarët e Dhomës së Tregtisë, Industrive, Minierave dhe Bujqësisë të Iranit, Pezeshkian tha se negociatat po mbahen në një mënyrë të tillë që “të drejtat e kombit iranian të sigurohen plotësisht”.
“Edhe pse armiku e ka zhvendosur fokusin e tij në luftën ekonomike pas dështimit ushtarak, qeveria dhe sektori privat, duke punuar së bashku me solidaritet, empati dhe bashkëpunim, do ta kalojnë me sukses edhe këtë fazë”, pohoi ai.
Të shtunën, Trump tha se një marrëveshje me Iranin për t’i dhënë fund konfliktit ishte “negociuar kryesisht” dhe priste finalizimin.
