Ministrja në detyrë e Drejtësisë, Donika Gërvalla, ka deklaruar se përmes uljes së tarifave në sistemin e drejtësisë është lehtësuar barra financiare për qytetarët dhe është rritur qasja në shërbime juridike për të gjithë, pa dallim.
Sipas saj, ndryshimet përfshijnë zbritje prej 50 për qind për kandidatët që paraqiten në Provimin e Jurisprudencës, zbritje prej 25 për qind për shërbimet noteriale, si dhe zbritje prej 40 për qind për përmbaruesit privatë, veçanërisht në rastet me vlerë të vogël të lëndëve përmbarimore, të cilat më së shumti prekin qytetarët me gjendje të rëndë ekonomike.
Gërvalla ka theksuar se ky mbetet një zotim i qartë për një drejtësi më të afërt me qytetarin, ku e drejta nuk mbetet privilegj i atyre që kanë mundësi financiare, por garantohet si e drejtë e barabartë për secilin./teve1.info/
