Kandidati i Partisë Demokratike të Kosovës (PDK) për kryeministër, Bedri Hamza, ka deklaruar se me qeverinë e ardhshme të PDK-së krizat do t’i takojnë së kaluarës, ndërsa vendi do të hyjë në një etapë të re zhvillimi, stabiliteti dhe mirëqenieje për qytetarët.
Përmes një postimi në Facebook, Hamza ka thënë se strukturat e PDK-së janë të gatshme dhe të mobilizuara për zgjedhjet e 7 qershorit dhe për sjelljen e ndryshimit në vend.
“Strukturat tona janë të gatshme dhe të mobilizuara. Sikur sonte në Vushtrri, ashtu edhe në çdo komunë tjetër, jemi të bashkuar dhe të vendosur për ta sjellë ndryshimin që kërkon Kosova. Me qeverinë tonë, krizat do t’i takojnë së kaluarës, ndërsa përpara do të hapim një etapë të re zhvillimi, stabiliteti dhe mirëqenieje për qytetarët”, ka shkruar ai.
