Presidenti ukrainas, Volodymyr Zelensky ka thënë se ka biseduar me presidentin e Këshillit Evropian, Antonio Costa, dhe se ata kanë ranë dakord që “Evropa duhet të përfshihet në negociata” dhe të “ketë një zë dhe prani të fortë në këtë proces”.
“Ia vlen të përcaktohet se kush do ta përfaqësojë konkretisht Evropën “, tha ai.
Ndërsa BE-së nuk i mungojnë presidentët – të Komisionit Evropian, të Këshillit Evropian, të Parlamentit Evropian, për të përmendur disa – asaj ende i mungon një figurë e vetme që do të bënte një kandidat të dukshëm për çdo bisedë të ndërlikuar me Moskën, shkruan Guardian.
Presidenti rus,Vladimir Putinit më parë sugjeroi ish-kancelarin gjerman, Gerhard Schröder, por ai u hodh poshtë shpejt për lidhjet e tij me Moskën.
Ndërkohë, Ukraina nisi sulme hakmarrëse kundër Rusisë gjatë fundjavës, duke vrarë të paktën katër persona, ndërsa goditi një numër vendesh strategjike, përfshirë Moskën.
“Reagimet tona ndaj zgjatjes së luftës nga Rusia dhe sulmeve ndaj qyteteve dhe komuniteteve tona janë plotësisht të justifikuara”, tha Zelensky, duke shtuar se sulmet ndaj Moskës treguan se Kievi “po u thoshte qartë rusëve: shteti i tyre duhet t’i japë fund luftës së tij”.
