Një person ka vdekur si pasojë e një vetaksidenti që ndodhi në orët e hershme të mëngjesit në fshatin Dollc të Klinës.
Sipas njoftimit të Policisë, në aksident janë lënduar edhe katër persona të tjerë, të cilët janë transportuar për trajtim mjekësor në Spitalin Rajonal të Pejës.
Mjekët kanë bërë të ditur se të lënduarit janë jashtë rrezikut për jetën.
Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore në Prishtinë për t’iu nënshtruar obduksionit.
“Si pasojё e kёtij vetaksidenti njё person ka pёsuar me fatalitet, vdekjen e sё cilit e kanё konstatuar ekipi mjekёsor nё vendin e ngjarjёs, ndёrsa katёr (4) tё tjerё janё dёrguar nё spitalin rajonal nё Pejё pёr tretman mjekёsor dhe tё njëjtit sipas mjekёve janё jasht rrezikut pёr jetё”, thuhet në njoftimin e Policisë së Kosovës. /teve1.info/
