“Ky është kon i shkrumum krejt për me marr një kallash e me ardh,.. shumë vështirë më fol”.
Në këtë formë, e përshkruan vullnetin e djalit për liri.
E as mosha e re, nuk që problem për Beat Colin nga Jabllanica, t’i bashkohet Ushtrisë Çlirimtare të Kosovës.
17 – vjeçari ra heroikisht, në një pritë nga forcat serbe në vitin 1999.
“Unë nuk kam qenë këtu kam qenë në Zvicër dy djemtë i kam pas në luftë i madhi ka qenë ky, ky e ka pas fatin mu vra ai i dyti ka pshtu”, thotw Martin Coli-babi i dëshmorit.
Martin Coli, tregon për momentin kur lajmi për rënien e djalit të vogël, i arriti në Zvicër.
“Djali i dytë më ka lajmërua prej Gjakove mtha babë Beatin e kanë vra vështirë pom vjen me fal. Vështire po osht boll po qa me bo, se përjetoj lehtë, kurr sdo ta harroj kurr, por fatin e ka pas qeshtu me krejt te tjerët qeshtu e kanë pas fatin nuk është kon i vetmi ky”, tregon ai.
E fatin e njëjtë me Beatin, e kishte edhe ish-bashkëluftëtari i tij, Luan Smajli.
Edhe i riu nga Jabllanica e Gjakovës, ra disa herë në pritë të forcave serbe.
“Lajmin janë plagosur kështu kështu, janë vrarë. Janë ra në pritë në parë, na u bëmë një grup nja 10-15 veta kemi shkuar deri në, për të Cërmjanit, me kap këshu me marrë lidhje me radiolidhje po nuk komunikonim, ka qenë e shkëputur aty, kështu që u kthyen këta djemtë. Të nesërmen në mëngjes herët janë çuar, erdhën thanë “Kemi ra në pritë”. “Po vallahi në pritë”. Thanë “Kush ka mbetur gjallë nuk e dimë, e kush u vrasë…”. Veç u ndanë, shumë u shpërndanë, katër pesë”, thotë Avdi Smajli, babi i Luanit.
Babai i Luanit, Avdiu, thotë se i biri i la studimet në gjysmë, për t’i dalë zot vendit.
“Luani ka qenë 20 vjeçar, kaq. I la studimet, u pat regjistruar në Fakultet Juridik, historinë e ka pasë. E pastaj nuk shkon më tutje, i la, kur ka ardhur me qenë i thanë nënës së vet, unë do me ardhur do me bërë me korrespodencë”, ai e kishte krejt luftën me u kyç në UÇK. E smuj më me vazhduar se policia përditë duke na lypë ku jemi, si jemi. Kështu që erdhi nëpër rrugë alternative, ka ka mund ai e ka ka ditë, u hyrë në shtëpi atëherë, u kyç në UÇK”, tregon ai.
Ndryshe, me 17 maj shënohet Dita e Dëshmorëve të Gjakovës.
Për këtë, homazhe në Jabllanicë të dielën, 43 dëshmorët e rënë për liri, u nderuan nga qytetarë të shumtë dhe personalitetet e njohura të vendit.
