Një person ka ndërruar jetë sot në Qendrën Klinike Universitare të Kosovës, pas plagëve të marra në një rast të cilësuar si “vrasje në tentativë dhe grabitje”, që kishte ndodhur më 23 janar 2026 në fshatin Sllatinë të Fushë Kosovës.
Sipas raportit të Policisë së Kosovës, viktima mashkull kosovar ishte duke u trajtuar në QKUK që nga dita e incidentit, ndërsa më 16 maj 2026 është konfirmuar vdekja e tij.
Policia ka bërë të ditur se me vendim të prokurorit, trupi i pa jetë është dërguar për obduksion.
“VRASJE NË TENTATIVË& GRABITJE- Fsh. Sllatinë Fushë Kosovë 23.01.2026-15:00. Lidhur me rastin me datë 16.05.2026 viktima mashkull kosovar, i cili ka qenë duke u trajtuar në QKUK, ka ndërruar jetë. Me vendim të prokurorit trupi i pa jetë dërgohet në obduksion”, thuhet në raport./teve1.info/
