Katër persona kanë mbetur të lënduar si pasojë e një aksidenti mes dy automjeteve në fshatin Shupkovc saktësisht në rrugën nacionale Prishtinë-Mitrovicë.
Lajmin për tëvë1.info e ka konfirmuar zëdhënësi i policisë për rajonin e Mitrovicës, Ilmi Prekazi.
Prekazi ka bërë të ditur se të lënduarit janë dërguar në Spitalin Rajonal në Mitrovicë për trajtim mjekësor dhe janë jashtë rrezikut për jetë.
Lidhur me rastin, njësia e hetimeve të trafikut është duke zhvilluar hetimet për sqarimin e rrethanave të aksidentit.
“Ju njoftojmë se sot, më datë 15.05.2026, rreth orës 17:35, në rrugën nacionale Prishtinë–Mitrovicë, përkatësisht në fshatin Shupkovc, ka ndodhur një aksident trafiku me lëndime trupore. Në aksident janë përfshirë dy automjete me targa vendore. Si pasojë e aksidentit, lëndime kanë pësuar katër persona, të cilët janë dërguar për tretman mjekësor në Spitalin Rajonal në Mitrovicë. Sipas mjekut kujdestar, personat e lënduar janë jashtë rrezikut për jetë. Lidhur me rastin, njësia e hetimeve të trafikut është duke zhvilluar hetimet për sqarimin e rrethanave të aksidentit”, ka thënë Prekazi./teve1.info/
