Ish-deputetja e Lëvizjes Vetëvendosje, Arjeta Fejza ka dhënë versionin e saj për sulmin që i është kryetarit të degës së kësaj partie në Skenderaj, Hysni Mehani, që sipas saj është bërë nga kryetari i Skenderaj, Sami Lushtaku.
Fejza ka thënë se bashkë me Mehanin ishin duke pirë kafe në një lokal në qendër të qytetit kur Lushtaku u ofrua dhe e sulmoi Mehanin.
Ajo në një deklarim për media ka thënë se nuk kishin asnjë komunikim paraprak me Lushtakun.
“Bashkë me zëvendësministrin Mehani ishim duke pirë kafe në qendër të Skenderajt, ishim duke diskutuar dhe të shpërqendruar me atë se çfarë po ndodhte për rreth dhe pa asnjë lloj komunikimi paraprak me z. Lushtaku ai u ofrua dhe e sulmoi z.Mehanin. Fare nuk është përmendur emri i tij”, ka thënë Fejza.
Sipas saj në këtë rast është sulmuar edhe sekretari i degës në këtë komunë, Bahri Zabeli nga njerëz që ishin me Lushtakun.
Mehani është duke u trajtuar në Spitalin e Përgjithshëm të Mitrovicës.
Për këtë rast LVV ka reaguar duke dënuar rastin. Nga kjo parit kanë thënë se sulme të tilla nuk mund t’i trembin e as t’i ndalin”.
Rastin e ka dënuar edhe kryeministri në detyrë Albin Kurti.
Ndërsa, kreu i Skenderaj, Sami Lushtaku ka thënë se thirrjet “Sami Serbia” qytetarët nuk i tolerojnë dhe kanë reaguar.
