Kryetari i Ramush Haradinaj ka bërë homazhe për viktimat e masakrave në Qyshk, Zahaq, Pavlan dhe Llabjan, duke i cilësuar këto ngjarje si disa nga plagët më të rënda të luftës në Kosovë.
Sipas Haradinajt, 102 civilë shqiptarë të paarmatosur u vranë nga forcat ushtarake dhe policore serbe, në një akt hakmarrjeje për humbjet që po pësonin gjatë luftës.
Në përkujtim të përvjetorit të masakrave, ai nderoi edhe luftëtarët dhe eprorët e Ushtria Çlirimtare e Kosovës nga zona e Dukagjinit, të cilët ranë në beteja për lirinë e vendit. Mes tyre përmendi Skender Çekun nga Qyshku, Jahë Kabashin, Blerim dhe Bekim Kelmendin, si dhe Rifat Veselin nga Llabjani.
“Këto masakra janë dëshmi e rrugës së rëndë që kaloi Kosova deri te liria, por edhe e sakrificës së madhe të njerëzve tanë që nuk u përkulën kurrë përballë armikut”, ka deklaruar Haradinaj.
