Publicisti, Kim Mehmeti ka thënë se më 9 maj nuk ka ndodhur bashkimi i disa partive në koalicionin VLEN, por sipas tij, u bashkuan vasalët kryeministrit të Maqedonisë.
Në këtë konventë mori pjesë edhe kryeministri në detyrë i Kosovës, Albin Kurti.
Ai ka thënë se është e pashpjegueshme se si Kurti mbështet një koalicion të tillë.
Madje ai ka thënë se udhëheqësit e këtij koalicioni nuk e dëgjojnë Kurtin, por e përdorin për vota.
“Këta nuk e dëgjojnë Albinin, këta e dëgjojnë kryeministrin e Maqedonisë. Ata vetëm e përdorin Kurtin për t’i marrë vota. Më 9 maj nuk u bashkuan partitë, por u bashku klubi i vasalëve të sunduesit të Maqedonisë”, ka thënë Mehmeti në emisionin “Këndi i Kimit” në Tëvë1.
Ai ka thënë se Kurti duhet ta shpjegoj se ku dallon VLEN nga BDI.
Sipas Mehmetit, është e turpshme që Kurti nuk përkrahi protestën e studentëve shqiptarë që provimin e jurispodencës ta mbajnë në gjuhën shqipe, ndërsa mbështet koalicionin VLEN.
“Ky njësim dhe ky subjektivizim politik, përveçse dëshmon përgjegjësi politike e qytetare, përbën edhe një model të rëndësishëm bashkëpunimi për organizimet e ndryshme politike që veprojnë në rajon”, tha Kurti në ndër të tjera në fjalimin e tij në konventën e VLEN më 9 maj.
Ai poashtu foli edhe për raportet dhe bashkëpunimin mes dy qeverive, kur pamendi disa marrëveshje të nënshkruar.
Por, sipas Mehmetit, kryeministri i Maqedonisë, Kristian Mickoski, duhet t’i jetë falënderues Kurtit, pasi po ia mundëson që të mbajë në kontroll shqiptarët.
“Kryeministri i Maqedonisë duhet t’i jetë shumë mirënjohës, z.Kurti, sepse kryeministri në detyrë i Kosovës e ndihmon Mickoski t’i mbajë nën kontroll shqiptarët. Kjo ndodhë për herë të parë”.
