Rusia ka testuar një raketë të re balistike ndërkontinentale, me Presidentin Vladimir Putin që e përshkroi armën Sarmat me aftësi bërthamore si raketën “më të fuqishme” në botë.
Televizioni shtetëror transmetoi pamje të Sergei Karakayev, komandant i forcave raketore strategjike të Rusisë, duke i raportuar Putinit mbi atë që Moska e përshkroi si një lançim të suksesshëm të martën.
Putin tha se raketa Sarmat do të hyjë në shërbim luftarak në fund të vitit, shkruan Al Jazeera.
“Kjo është raketa më e fuqishme në botë”, tha ai në një deklaratë televizive, duke shtuar se rendimenti i saj i kokave bërthamore ishte më shumë se katër herë më i madh se çdo raketë ekuivalente perëndimore.
Putin tha se Sarmat ishte i aftë të fluturonte suborbital, duke i dhënë një rreze veprimi që tejkalonte 35,000 km (21,750 milje) dhe pretendoi se mund të “depërtonte të gjitha sistemet ekzistuese dhe të ardhshme të mbrojtjes kundër raketave”.
Testi vjen pas vitesh pengesash.
