Shpresa e vetme që kishin për të marrë pjesë në zgjedhjet e 7 qershorit u shua.
Nisma Socialdemokrate ndonëse iu “vetëofrua” PDK-së, përfundimisht u refuzua nga kryesia e partisë.
Sipas njohësit të rrethanave politike, Artan Aliaj, ky veprim ishte i pritur. Por a do të ndikonte bashkimi me Limajn që PDK të kishte rritje të votës?
“Do të kishte fituar ndonjë votë shtesë nga ato vota që kemi parë që i fiton tradicionalisht, partia Nisma dhe z. Limaj por pikëpyetje tjetër është sa do të kishte mundur të humbte poashtu, pasi që e dimë që PDK e ka pësuar një proces të ndryshimi të brendshëm dhe po provojnë të tregojnë vlera të ndryshme nga kaluar kështu që ndoshta një kthim me z. Limaj iu ka dok një kthim prapa”, ka thënë Alijaj.
Kurse sipas analistit, Afrim Kasollit, refuzimi i Limajt nga PDK ka ardhur si pasojë e mosbesimit.
“Vërehet qartë një lloj mosbesimi që mbizotëron ndërmjet kryesisë së partisë dhe z.Limaj dhe të njëjtit transmetuan mesazhin që nëse z.Limaj dëshiron mirëfilli të rikthehet në shtëpinë vjetër poltike duhet ta dëshmojë vetën sa është lojale dhe besnik ndaj PDK dhe zgjedhjet e 7 qershorit janë testit kryesor për të verifikuar korrigjimin ndaj PDK-së”, u shpreh Kasolli.
Përkundër refuzimit, kryetari i PDK-së, Bedri Hamza, tha se Limaj mund të kontribuoj për PDK-në në fushatën e zgjedhjeve të 7 qershorit, dhe ribashkimin ta shqyrtojnë për zgjedhjet e ardhshme.
Por kjo po shihet si një sfidë për kryetarin e Nisma Soscialdemokrate.
“Të them të drejtën ishte pak si cinik si refuzim ngase të i thuhet z.Limaj dëshmojë vetën duke na ofruar vota dhe më pastaj apo e kalon testin politik është një lloj sfide edhe për z.Limaj, por varet se si do ta kalkuloj në të ardhmin e tij politike dhe ai ja vlen “barra qiranë” që ta plotësojë këtë kritere të PDK apo ta vazhdoj rrugën si pavarur”, theksoj Kasolli.
Tëvë 1 ka provuar të marr edhe një qëndrim nga partia e Limajt, por të njëjti kanë vendosur të qëndrojnë të heshtur pas vendimit të PDK-së.
