Drejtoria për Siguri dhe Emergjenca në Komunën e Prishtinës ka bërë të ditur se si pasojë e erërave të forta dhe incidenteve të paraqitura gjatë ditës së sotme, ekipet emergjente kanë realizuar gjithsej 17 intervenime në territorin e Kryeqytetit dhe Fushë Kosovë.
Sipas njoftimit, në aksionet emergjente janë angazhuar Brigada Profesionale e Zjarrfikësve, ekipet e Drejtorisë për Siguri dhe Emergjenca, Ndërmarrja Publike “Gjelbër” si dhe Drejtoria e Policisë së Kryeqytetit.
Intervenimet kanë përfshirë largimin e kulmeve, llamarinave, reklamave dhe tjegullave, prerjen e drunjve, si dhe trajtimin e disa rasteve të zjarreve.
Rastet e raportuara janë:
Dardani – largim i llamarinës
Rruga “Aziz Abrashi” – largim i reklamës
Te Trafiku Urban – prerje e plepit
Rruga “Mark Isaku” – largim i llamarinës
Rruga “Muharrem Fejza” – largim i llamarinës
Te ish-Kino ABC – largim i tjegullave
Te Bosna, Kurriz – largim i llamarinës
Fshati Hajvali – intervenim në tela të rrymës
Fshati Sinidoll – zjarr në bari të thatë
Bregu i Diellit – largim i ulluqeve
Dardani, Banesa Sociale – largim kulmi
Rruga “Eqrem Çabej” – largim llamarine
Fushë Kosovë, rruga “Besa Besë” – largim kulmi
Rruga “Shaqir Igrishta” – largim dritareje
Fshati Hajvali – tym në shtëpi
Fshati Teneshdoll – zjarr në ushqim bagëtish
Fshati Mramor – zjarr malor
Autoritetet kanë bërë të ditur se aktualisht dy intervenime vazhdojnë të jenë aktive, ndërsa ekipet emergjente ndodhen ende në terren.
Në fund të njoftimit, Drejtoria për Siguri dhe Emergjenca ka falënderuar të gjitha ekipet operative për reagimin profesional dhe angazhimin e vazhdueshëm në mbrojtje të jetës dhe pronës së qytetarëve.
