Partia Demokratike e Kosovës (PDK) ka refuzuar zyrtarisht rikthimin e Fatmir Limaj në parti.
Pas këtij vendimi ka reaguar edhe kryetari i Drenasit, Ramiz Lladrovci, i cili përmes një postimi në Facebook ka deklaruar se është “ripërsëritur modeli i ndikimit në Kryesinë e PDK-së”, duke shtuar se po tentohet të paraqitet Bedri Hamza si humbës, ndërsa Limaj si jomeritor për listën zgjedhore.
Sipas Lladrovcit, personat që po e shtyjnë këtë narrativë janë të njëjtët që, siç tha ai, “nuk patën guxim të ballafaqohen me pozitën dhe qytetarin ndër vite”.
Ai shprehu bindjen se anëtarësia e gjerë, simpatizantët dhe qytetarët do të vazhdojnë ta mbështesin PDK-në, figurat kryesore të saj dhe ish-udhëheqësit e luftës dhe paqes.
“Anëtarësia e gjerë, simpatizantët dhe qytetarët do të jenë në përkrahje të PDK-së, të heronjve tanë të luftës e paqes dhe të Bedri Hamzës”, ka shkruar Lladrovci.
Në reagimin e tij lidhur me çështjen e aderimit të Limajt në PDK, Lladrovci theksoi se mbështetja për PDK-në dhe figurat e saj kryesore do të vazhdojë.
Postimi i plotë i Lladrovcit:
“U ripërsërit modeli i ndikimit në Kryesinë e PDK-së. Kreatorët e kësaj fryme nuk po i bëjnë shërbim Kosovës e as PDK-së.
Për ta paraqitur Bedriun humbës dhe Fatmirin jomeritor në listë, janë ata që nuk patën guxim të ballafaqohen me pozitën dhe qytetarin ndër vite.”
