Deputeti i Lidhjes Demokratike të Kosovës, Ukë Rugova ka shprehur bindjen se kthimi i Vjosa Osmanit në LDK do të sjellë një fitore të madhe për këtë parti në zgjedhjet e 7 qershorit.
Ai kështu është deklaruar para tubimit “Të bashkimit” që do të mbahet sot.
“Shpresoj që ky bashkim do të sjellë një fitore të madhe për Lidhjen Demokratike të Kosovës më 7 qershor”, tha ai.
Zërat kundërshtues për kthimin e Osmanit në LDK, ai ka vlerësuar si pjesë e demokracisë, që siç ka thënë LDK shquhet për një gjë të tillë.
Osmani do të jetë bartëse e listës së LDK-së në zgjedhjet parlamentare të 7 qershorit dhe kandidate për presidente nga kjo parti.
Ajo ka prezantuar disa emra që do të jenë pjesë e listës së saj brenda listës së LDK-së. Në mesin e tyre janë dhe Albena Reshitaj e Jeta Statovci, të dyja këto deputete të zgjedhura në legjislaturën e fundin nga lista e LVV-së./teve1.info/
