Rrustem Mustafa, i njohur si Komandant Remi, do të jetë pjesë e listës së kandidatëve të Partisë Demokratike të Kosovës për deputetë në zgjedhjet e ardhshme.
Lajmin e ka konfirmuar ish-deputeti i PDK-së, Artan Behrami.
Sipas Behramit, rikthimi i Mustafës në listën e PDK-së përfaqëson forcimin e partisë në rajonin e Llapit, Gollakut dhe në gjithë Kosovën.
Ai e vlerësoi Remin për rolin e tij gjatë luftës, si dhe për qasjen përbashkuese dhe mbrojtjen e luftës së UÇK-së në periudhën e pasluftës.
Rrustem Mustafa ka qenë deputet i Kuvendit të Kosovës në legjislaturën 2007–2010, periudhë gjatë së cilës u shpall edhe pavarësia e Kosovës.
