Të shtëna me armë zjarri janë raportuar të mërkurën mbrëma në rrugën “Fatime Sokoli” në Prishtinë.
Sipas Policisë, rasti ka ndodhur rreth orës 22:50, ku dyshohet se nga një veturë në lëvizje është shtënë disa herë me armë.
Njësitet policore kanë dalë në vendin e ngjarjes dhe kanë sekuestruar tri gëzhoja.
Rasti është duke u hetuar.
“Është raportuar se nga një veturë në lëvizje është shtënë me armë disa herë. Lidhur me rastin njësitë policore në vendin e ngjarjes kanë gjetur dhe sekuestruar 3 gëzhoja. Rasti në hetime”, thuhet në raportin 24 orësh të Policisë së Kosovës.
