Teksa emisari për BE-në, Miroslav Lajçak ka thënë që me këto vendime është krijuar një situatë e re që ndërron planet për dialogun Kosovë-Serbi.
“Prishtina ka marrë një vendim që si objektiv të vetëm, ka dëbimin e serbëve nga Veriu dhe kryerjen e një operacioni “Stuhia” ku për dy muaj do të bënin fushatë për t’i bindur serbët që makinat e tyre t’i regjistrojnë me targat RKS””, tha Vuçiq
Vuçiq shtoi se vendimi i qeverisë së Kosovës është përkrahur nga Britania e Madhe dhe Gjermania.
“Serbët në Kosovë s’do të vuajnë më, nuk do të tolerojnë njësitet speciale në veri. Afati i vendosur nga Prishtina për targat është 30 shtator që nënkupton se më 1 tetor do të planifikojnë një sulm të përgjithshëm në very. S’ka asgjë, lëreni atë dialog, janë tregime boshe. Përgjigjja jonë do të jetë e matur, por vdekjeprurëse dhe e vërtetë”, tha ai.
E këto kërcënime të presidentit serb, nuk i ka komentuar emisari i BE-së për dialog, Miroslav Lajçak.
Por ky, e komentoi vendimin e qeverisë së Kosovës, që deri më 30 shtator të gjithë automjetet me tabela të Serbisë të regjistrojnë targat RKS.
Miroslav Lajçak, emisar i BE-së për dialogun Kosovë-Serbi.
“Tani e kemi situatën e re e cila natyrisht ndodhi dje dhe e cila goxha shumë i ndërroi planet e mia dhe temat e bisedave të mia. Sepse unë erdha për vizitë që të përgatisim takimin mes liderëve dhe të flasim rreth përparimit në normalizimin e raporteve. Tani duhet ta zgjidhim këtë situatë dhe nuk guxojmë të vijmë te ndonjë krizë”, tha ai.
Por, a mund të ketë një krizë të re në dialogun Kosovë – Serbi, flet analisti Gazmir Raci
Miroslav Lajcak gjatë së enjtes ka takuar edhe shefin e të ashtuquajturës Zyra Serbe për Kosovë, Petar Petkovic dhe partitë opozitare në Beograd.
Kronika e realizuar nga Fidan Zejnullahu
