Inspektorati i tregut u dha tri ditë afat furrtarëve të arsyetojnë çmimin e bukës.
Mirëpo në kryeqytet furrat nuk e rritën çmimin.
Buka në Prishtinë vazhdon të shitet 50 cent.
Qytetarët thonë se ky çmim është vështirë i përballueshëm për ta, e një rritje tjetër do ndikonte shume keq financiarisht tek ta.
Megjithatë ka prej tyre që nuk e shohin si fortë të lartë këtë çmim.
Ndërkohë në Shoqatën e Mullistëve të Kosovës kanë thënë që mielli nuk duhet të jetë arsye për shtrenjtimin e bukës.
“Mendoj se tash afër sezonës, çmimet e grurit duhet të pësojnë një rënië të lehtë dhe sigurisht edhe çmimet e miellit. Sa i përket miellit nuk është arsyetim mielli për ndonjë lëvizje të çmimit të bukës,aktualisht në Kosovë”, deklaroi Bashkim Zejnullahu – Kryetar i Shoqatës së Mullistëve të Kosovës
Për rritjen e çmimit foli edhe kryeministri Kurti një ditë më parë.
Shefi i qeverisë tha që i ka marrë me shumë shqetësim informacionet për çmimet e bukës që është ushqimi më elementar për qytetarët.
Kronika e realizuar nga Besian Visoka
