Anëtari i Partisë Socialdemokrate të Kosovës, Nol Nushi ka thënë se kjo parti hynë në zgjedhje për t’i dhënë Kosovës një opsion të opozitës.
Ai ka thënë se nuk pret që pas zgjedhjeve të 7 qershorit të ketë ndryshim sa i përket qeverisjes.
Nushi ka thënë se për ta rrëzuar Lëvizjen Vetëvendosje nga pushteti duhet një opozitë e re, duke thënë se opozita aktuale garon se cila të hyjë në koalicion e para me LVV-në.
“Është një moment që Kosovës me ja ofrua edhe një opsion, por kësaj radhe jo në qeverisje, sepse unë besoj që nuk ka me pas ndryshime nga ata që kanë me qeverisë Kosovën. Ne po garojmë që të jemi pjesë e opozitës ndaj qeverisë që vjen. Kështu është në ato raste kur një parti popullsitë autoritare i shtrinë aq shumë degët në pushtet dhe një opozite parlamentare e cila në mungesë të përballjes me të fillon e filtron secila të futet e para në koalicion me të. Për me mposhtë këtë pushtet duhet një opozitë tjetër, jo një opozitë që thotë se nuk kam vija të kuqe”, ka thënë Nushi në emisionin “InfoNata” në Tëvë1.
Nushi ka kritikuar qasjen e opozitës në çështjen e zgjedhjes së presidentit, duke thënë se nuk është fitore e tyre shkuarja në zgjedhje.
Ai ka thënë se partitë opozitare vet janë shprehur se shkuarja në zgjedhje nuk është e mirë dhe sipas tij faturën e zgjedhjeve do ta paguaj opozita.
