Presidenti amerikan, Donald Trump ka sulmuar sërish kancelarin gjerman, Friedrich Merz, duke e kritikuar për qëndrimet e tij mbi çështjet ndërkombëtare dhe përqendrimin e tij politik jashtë Gjermanisë.
Në një postim në platformën e tij Truth Social, Trump tha se Merz duhet të fokusohet më shumë në luftën në Ukrainë dhe në problemet e brendshme të vendit të tij, në vend që të ndërhyjë në veprimet e SHBA-së dhe aleatëve të saj lidhur me Iranin.
“Kancelari i Gjermanisë duhet të shpenzojë më shumë kohë për t’i dhënë fund luftës me Rusinë/Ukrainën (ku ai ka qenë plotësisht i paefektshëm!), dhe për të rregulluar vendin e tij të shkatërruar, veçanërisht Imigracionin dhe Energjinë, dhe më pak kohë për të ndërhyrë në ata që po heqin qafe kërcënimin bërthamor të Iranit, duke e bërë kështu botën, përfshirë Gjermaninë, një vend më të sigurt! President DJT.”
