Ish-deputeti i PDK-së, Enver Hoxhaj, ka bërë homazhe te kulla e komandantit Ilaz Kodra në Prekaz, së bashku me kolegë të tij partiakë, duke përkujtuar figurën dhe kontributin e tij në luftën për liri.
Përmes një postimi në Facebook, Hoxhaj e ka cilësuar Kodrën si një nga figurat më të qëndrueshme të rezistencës, duke theksuar rolin e tij në momentet më të vështira të historisë së Kosovës.
“Sot në Prekaz, në kullën e tij, kujtojmë me nderim të thellë komandantin Ilaz Kodra, një nga figurat më të qëndrueshme të luftës për liri të Kosovës. Ai ishte aty që në fillim, në momentet më të vështira, kur gjithçka varej nga guximi i pak njerëzve që nuk u tërhoqën. Ai përfaqësoi vendosmërinë dhe sakrificën që i dha drejtim historisë sonë. Sot, kujtimi për të është kujtesë se liria ka ardhur me çmim të lartë. Lavdi”, ka shkruar Hoxhaj.
