Grupi i dytë më i madh politik në Parlamentin Europian organizoi të mërkurën një protestë. Ata kërkuan pezullimin e marrëveshjes së partneritetit të BE-së me Izraelin.
Ligjvënësit e Aleancës Progresive të Socialistëve dhe Demokratëve (S&D) u mblodhën brenda ndërtesës së PE-së në Bruksel.
Ata mbanin pankarta me mbishkrimin: “Pezulloni Marrëveshjen e Asociimit BE-Izrael Tani!”, duke kërkuar veprime më të forta nga institucionet e BE-së për zhvillimet në Lindjen e Mesme.
Në një deklaratë, grupi tha se Këshilli Evropian “duhet të pezullojë marrëveshjen e asociimit BE-Izrael!”
Grupi ndau një foto nga protesta në platformën X. Ata kërkuan masa të mëtejshme. “Sanksione të menjëhershme ndaj kolonëve të dhunshëm në Bregun Perëndimor. Krijimi i një shteti palestinez duhet të jetë përparësia e palëkundur e BE-së, duke filluar me rindërtimin e Gazës. Izraeli duhet të ndalojë operacionet ushtarake në Liban”, shkruhej në mbishkrim, citon Anadolu.
Marrëveshja e Asociimit BE-Izrael është në fuqi që nga viti 2000. Ajo përcakton kornizën për dialogun politik, tregtinë dhe bashkëpunimin mes BE-së dhe Izraelit.
Çështje si lufta gjenocidale e Izraelit në Gaza dhe grabitjet e dhunshme e të paligjshme të tokës në Bregun Perëndimor kanë ngritur pyetje. Shumë pyesin pse Izraeli duhet të marrë trajtim preferencial.
