Sindikata e Punëtorëve të “Trafikut Urban” ka thirrur protestë paqësore më 1 maj nga ora 12:00 deri në orën 14:00.
Kjo protestë sipas ftesës së dërguar nga përfaqësuesi i sindikatës, Shaip Selmani ka për qëllim shprehjen e shqetësimeve për kushtet e punës.
“Qëllimi i kësaj proteste është ngritja e shqetësimeve dhe kërkesave të punëtorëve lidhur me kushtet e punës, përmirësimin e mirëqenies së tyre dhe respektimin e të drejtave të garantuara. Ftojmë të gjithë punëtorët e N.P.K. “Trafiku Urban” Sh.A. që t’i bashkohen kësaj proteste në mënyrë paqësore dhe të organizuar, duke kontribuar në një zë të përbashkët për drejtësi dhe dinjitet në punë”, thuhet nga sindikata./teve1.info/
