15-vjeçarja që u sulmua nga qentë endacakë në oborrin e QKUK-së pas trajtimit është liruar për në shtëpi.
Këtë e ka bërë të ditur zëdhënësja e Shërbimit Klinik Universitar të Kosovës, Mirlinda Qyqalla.
Ajo ka thënë se pacientja ka marrë trajtimin e nevojshëm nga stafi mjekësor.
“Ju njoftojmë se sot rreth orës 7:30, në Qendrën Emergjente të QKUK-së është paraqitur një rast, 15-vjeçare, me lëndime të shkaktuara nga qentë endacakë. Pacientja ka marrë trajtimin e nevojshëm mjekësor nga stafi emergjentë dhe, pas stabilizimit të gjendjes, është liruar për në shtëpi me udhëzimet përkatëse”, ka thënë Qyqalla për Tëvë1.
