Mesfushori Ardon Jashari u shpall lojtari më i mirë në kampionatin e Belgjikës për vitin e kaluar, por ai mund të largohet nga skuadra e Milanit pas vetëm një sezoni.
Aktualisht, Jashari është zgjedhja e tretë në mesfushën e Milanit edhe pse ishte lojtari i dytë më i shtrenjtë i transferuar verën e shkuar në Itali.
Milani pagoi gati 40 milionë euro Brugget për kartonin e tij, por është pas Luka Modriqit dhe Samuele Ricci te trajneri Massimiliano Allegri.
Kështu që, gjasat janë të mëdha që Milani ta nxjerrë në shitje Jasharin me të përfunduar sezoni aktual edhe pse 23-vjeçari ka kontratë deri në vitin 2030.
Milani do ta pranonte një ofertë deri në 30 milionë euro, ndërsa mësohet se skuadra e Juventusit po monitoron situatën e tij dhe mund ta synojë transferimin e Jasharit në verë.
Deri më tani, Jashari ka 14 paraqitje me fanellën e Milanit në të gjitha garat dhe 1 asistim në Serie A.
