Zyrtarët ukrainasë kanë thënë se dronët rusë kanë sulmuar përsëri qytetin portual jugor të Odesës, duke plagosur të paktën 11 persona, përfshirë dy fëmijë, dhe duke dëmtuar shtëpi dhe infrastrukturë të rëndësishme.
Guvernatori i Odesës, Oleh Kiper, tha se sulmi preku tre distrikte, duke goditur ndërtesa banimi, automjete dhe objekte civile, përfshirë një hotel, depo dhe një teleferik. Dritaret u thyen në shumë ndërtesa dhe zona e portit pësoi dëme.
Sulmet ruse vranë një person në rajonin juglindor të Zaporizhzhisë, sipas guvernatorit Ivan Fedorov.
Një sulm me dron ukrainas vrau një punonjës në centralin bërthamor të Zaporizhzhya-s, i cili u pushtua nga forcat ruse dhe është mbyllur.
“Një shofer u vra sot kur një dron i Forcave të Armatosura të Ukrainës goditi departamentin e transportit në Centralin Bërthamor të Zaporizhzhias”, thuhet në një deklaratë nga menaxherët e centralit të instaluar nga Rusia, shkruan Al Jazeera.
Guvernatori rajonal Fedorov tha se forcat ruse nisën 629 sulme në 45 vendbanime në rajon brenda një dite të vetme, me të paktën 50 raportime për dëme në shtëpi dhe infrastrukturë.
Zyrtarët rusë raportuan sulme me dronë ukrainasë në rajonin kufitar të Belgorodit, ku të paktën një person u vra dhe katër gra u plagosën, përveç dëmeve në ndërtesa dhe automjete.
Sulmet vijnë në një kohë kur përpjekjet diplomatike për t’i dhënë fund luftës mbeten të bllokuara.
