Një takim të ngjashëm, presidentja e Gjykatës Speciale, e kishte planifikuar për të hënën e javës së ardhshme në Gjilan.
Por, Ekatarina Trëndafilova këtë verë nuk do vizitojë Kosovën.
Megjithatë do të mbajë takime në formatin virtual.
“Për shkak të nivelit të lartë të preferencës midis pjesëmarrësve për t’u bashkuar me takimin e kontaktit të Presidentit të Dhomave të Specializuara përmes Zoom gjatë periudhës së verës, ngjarja Outreach e planifikuar më 4 korrik do të zhvillohet plotësisht online. Presidenti do të udhëtojë në Kosovë për aktivitete të komunikimit personal pas periudhës së verës”, tha Angela Griep – zëdhënëse e Dhomave të Specializura.
Këto takime, sipas Medina Kadriu nga Instituti i Kosovës për Drejtësi, kanë për qëllim informimin mbi punën e organeve të Speciales.
E kurdo që Trëndafilova do vijë në Kosovë, ajo do përcillet me protesta.
Këtë paralajmërim e ka dhënë Partia Social Demokrate.
Me protestë të tillë, e kishte shoqëruar PSD-ja, edhe vizitën e fundit të Trëndafilovës në Prishtinë.
Raporti i gazetares Florijeta Dernjani.
