Kanë mbetur edhe dy ditë nga afati kushtetues për zgjedhjen e presidentit.
Partia më e madhe, Lëvizja Vetëvendosje nuk ka arritur marrëveshje me subjektet tjera politike, andaj ka kërkuar nga opozita tri emra për kandidatë konsensualë.
Të shtunën Partia Demokratike e Kosovës e konsideroi këtë çështje si të mbyllur.
Derisa partia e dytë opozitare, Lidhja Demokratike e Kosovës tha se mund ta propozojnë edhe emrin e Vjosa Osmanit për të parën e shtetit.
Megjithatë, profesorit universitar, Sylë Ukshini, këto deklarime nuk i duken serioze.
“Fakti që ai nuk hyri në Qeveri dhe ai e kishte votuar Vjosa Osmanin pa asnjë kusht, pa asnjë kundërshpërblim dhe tash prapë po e ofron Vjosa Osmanin, duket qartë se ai po don Vjosa Osmanin ngjitje në një lloj pozite shtetërore që ta sigurojë oborrin e tij brenda LDK-së. Dmth krejt janë kalkulime politike dhe më së paku është kalkulim dhe interes nacional i Kosovës” , thotw Sylw Ukshini- profesor universitar.
Sipas Ukshinit, edhe nëse shkohet në zgjedhje nuk mund të të ketë ndonjë ndryshim të madh në rezultat, andaj duhet një marrëveshje politike.
“Njerëzit kanë qenë entuziastë që Vjosa Osmani do ta dëmtojë LVV-në, unë jam i atij mendimi që nëse LVV-në nuk e ka dëmtuar dalja e atij grupit që ka dalë me Dardan Molliqajn unë mendoj se Vjosa Osmani nuk e dobëson sepse nuk përfaqëson ndonjë alternativë politike, të vetmen alternativë është që Kurti është i keq po pas 5 marsit që nuk më bëri mua (presidente)”, shprehet ai.
Mungesën e vullnetit politik, e thekson edhe politologia Arta Tahiri Beqa.
“E shpesh siç e ka edhe zakon të gjuajë topin edhe karshi opozitës. Ofertat e deritanishme nga kreu i parë i LVV-së po shihen se më së shumti ka vetëm në prolongim të kësaj zgjidhje sesa si dëshirë për t’a zgjedhur këtë proces. Andaj, me aq sa po shoh në qoftë se nuk pritet disa emra që do të mund të bëheshin surprizë nga z.Kurti për t’i propozuar dhe t’a bëjë opozitën të domosdoshme të qëndrojë në sallë, deri tani nuk shohim asnjë sinjal në zgjedhjen e rastit të Presidentit” , vlerëson ai.
Afati 34 ditor i Gjykatës Kushtetuese për zgjedhjen e Presidentit përfundon të martën e 28 prillit.
