Kryetari i Komunës së Drenasit, Ramiz Lladrovci, ka reaguar lidhur me zhvillimet e fundit rreth procesit të zgjedhjes së presidentit në Kosovë.
Sipas tij, Partia Demokratike e Kosovës (PDK) mund të ndikojë në uljen e tensioneve politike duke propozuar një kandidat për president.
Ai theksoi se, në të kundërt, përdorimi i mundshëm i zgjedhjeve për interesa të ngushta politike do të mbetet karakteristikë e udhëheqësve aktualë të katër partive parlamentare. Megjithatë, Lladrovci vlerëson se PDK mban më pak përgjegjësi në këtë situatë, por shton se kjo parti ka ende mundësi të kontribuojë në qetësimin e situatës.
Sipas Lladrovcit, një zgjidhje e mundshme do të ishte propozimi i një kandidati të përbashkët nga tri partitë kryesore, duke shmangur ndarjet politike dhe spekulimet. Ai përmendi edhe emrin e Murat Jashari si një kandidat potencial që mund të tejkalojë kalkulimet aktuale politike.
“Me të drejtë, partitë politike nuk e shqyrtuan propozimin e sotëm të pozitës. Si asnjë herë më parë, në politikën tonë duket i largët koncepti marrëveshje dhe konsensus. Lojërat politike kanë mund të ndalen kur qarkullonin emrat e Glaukut, Albulenës e ndonjë tjetër, para disa muajve”, ka shkruar ai në Facebook.
