Këto tabela të veturave me regjistrim të Serbisë brenda territorit të Kosovës, nuk mund të përdoren nga muaji tetor i këtij viti.
Kjo pasi, të njëjtat targa janë të lëshuara nga Serbia në emër të qyteteve të Kosovës.
E në mbledhjen e radhës të ekzekutivit, u mor vendim që banorët serbë tabelat serbe, të i kthejnë në targa të Republikës së Kosovës.
“Qeveria e Republikës së Kosovës ka zhvilluar mbledhje elektronike në të cilën ka miratuar vendimin për të mundësuar regjistrimin e automjeteve me targa RKS për të gjitha automjetet e pajisura me targat ‘PR’, ‘KM’, ‘PZ’, ‘GL’, ‘UR’, ‘PE’, ‘DA’ apo ‘ĐA, si dhe vendimin për kalimin e kufirit shtetëror nga qytetarët me dokumente personale të lëshuara nga autoritetet e Serbisë. Vendimi ka karakter të papërsëritshëm pas përfundimit të periudhës së vlefshmërisë. Vendimi obligon Ministrinë e Punëve të Brendshme që të ndërmarrë të gjitha veprimet dhe masat e nevojshme me qëllim të realizimit të këtij procesi”, thuhet nw njoftimin e Qeverisw.
Përveç kësaj, në këtë mbledhje ekzekutivi ka vendosur reciprocitet për hyrje të shtetasve të Serbisë në Kosovë.
Kjo pasi, Qeveria Kurti vendosi që aplikojë të njëjtën masë, sikur Beogradi, që nuk pranon letërnjoftimin, por në hyrje kosovarët i pajisë me një letër që zëvendëson dokumentet e identifikimit.
“Kabineti qeveritar mori edhe vendimin, sipas të cilit çdo person që paraqitet për kalim të kufirit shtetëror me dokument të identifikimit personal të lëshuar nga autoritetet e Serbisë, të pajiset në pikë-kalimet kufitare me një fletë-deklarim që përkohësisht e zëvendëson përdorimin e dokumentit të tillë. Fletë-deklarimi do të krijojë bazë për qarkullim në territorin e Republikës së Kosovës dhe për shfrytëzim brenda institucioneve shtetërore”, thuhet mw tej nw njoftim.
Vitin e kaluar, Qeveria vendosi reciprocitet edhe për targa të veturave. Nga ajo kohë, veturat me targa të Serbisë që futen në Kosovë duhet të mbulojnë simbolin shtetëror, njëjtë siç veprohet edhe me veturat që kanë targa RKS kur futen në Serbi.
Raporti i gazetares Fetije Kamberi.
