Kryeministri i Kosovës, Albin Kurti ka thënë se vepra e Rexhep Qosjes i cili vdiq sot do të jetojë më gjatë se jeta e tij.
Ai ka thënë se populli shqiptar nuk një akademik si Qosja që kontribuoi shumë për gjuhën e kombin e u sulmua nga politika dhe kolegët e tij.
“Populli shqiptar nuk ka një akademik tjetër bashkëkohor i cili kaq shumë kontribuoi për gjuhën dhe kombin tonë e njëkohësisht aq shumë u sulmua nga politika dhe kolegët e tij. Do të mbahet mend siç ishte dhe ishte siç mbeti – i paepur”, ka shkruar Kurti.
Në nderim të jetës dhe veprës së akademik Rexhep Qosja, dita e nesërme është shpallur si Ditë zie shtetërore në Republikën e Kosovës.
Qosja vdiq të enjten në moshën 89-vjeçare.
