Kryenegociatori për bisedimet teknike me Serbinë, Agron Bajrami ka reaguar pas emërimit nga kryeministri Albin Kurti në këtë pozitë.
Bajrami që është edhe ambasador i Kosovës në Belgjikë është zotuar se punën do ta kryej me përgjegjësi dhe integritet.
“E pranova me ndjenjë të thellë detyre dhe përgjegjësie emërimin si Kryenegociatori i Kosovës në Dialogun me Serbinë. Duke falënderuar Kryeministrin Albin Kurti për besimin që më është dhënë, zotohem ta kryej këtë përgjegjësi me përulësi dhe integritet, në shërbim të Republikës së Kosovës, dhe me aftësitë e mia më të mira”, ka shkruar ambasadori Bajrami”, ka shkruar Bajrami.
Kryeministri Kurti mbrëmë ka emëruar Bajramin në pozitën e kryenegociatorit në bisedimet teknike me Serbinë. Këto bisedime në mandatin e kaluar i ka udhëhequr Besnik Bislimi./teve1.info/
