Basketbollisti i Bashkimit, Shanon Shorter është shpallur “MVP” i ndeshjes së parë të serisë gjysmëfinale të “play-offit” ndaj Borës në Superligën e Kosovës.
Federata e Basketbollit të Kosovës (FBK), të enjten ka bërë të ditur se Shorter është shpallur më i miri i këtij dueli nga publiku.
Në fakt, publiku ka votuar dhe Shorter është shpallur “MVP” pas paraqitjes fantastike që e pati në fitoren e Bashkimit ndaj Borës.
Shorter ishte ai që ia siguroi fitoren Bashkimit me rezultatin e ngushtë 73:70, të mërkurën mbrëma në Prizren.
Basketbollisti amerikan e mbylli ndeshjen 28 pikë të shënuara, 6 kërcime dhe 2 asistime kurse Bashkimi avancon 1:0 ndaj Borës në serinë gjysmëfinale.
