Ambasadorit amerikan në NATO, Matthew Whitaker ka thënë se Kosova po e rrit rolin e saj si kontribuuese në siguri me pjesëmarrjen në Bordin e Paqes dhe dërgimin e FSK-së në Gaza.
Në një shkrim në X ku ka folur për vizitën që ka zhvilluar në Kosovë të cilën e ka vlerësuar produktive, ai ka thënë se vlerëson përkushtimin e Kosovës për të siguruar pajisje mbrojtëse amerikane dhe zhvillimin e industrisë së mbrojtjes.
“Kosova po rrit rolin e saj si kontribuuese në siguri, nga pjesëmarrja në Bordin e Paqes deri te kontributi i planifikuar me personel për Forcën Ndërkombëtare të Stabilizimit në Gaza. Vlerësoj përkushtimin e Kosovës për të siguruar pajisje mbrojtëse amerikane dhe zhvillimin e industrisë së saj të mbrojtjes. Partnerë më të fortë sjellin një të ardhme më të sigurt”, ka thënë ai.
Gjatë vizitës në Kosovë, ambasadori amerikan ka zhvilluar takime me Presidenten në detyrë Albulena Haxhiu, Kryeministrin Kurti, Ministrin e Mbrojtjes Maqedonci./teve1.info/
