Mesfushori i Kombëtares së Shqipërisë, Ylber Ramadani ka tërhequr vëmendjen e shumë skuadrave në Evropë pas paraqitjeve të mira këtë sezon te Lecce.
Bëhet e ditur se skuadra e fundit që ka shprehur interesim për Ramadanin është Eintracht Frankfurti që bën gara në Bundesligën e Gjermanisë.
Thuhet se Frankurti prej kohësh e ka monitoruar Ramadanin dhe është gati ta kontaktojë Leccen për të arritur marrëveshje eventuale për transferimin e tij.
Mesfushori 30-vjeçar është ndër futbollistët kryesor te Lecce dhe në mesin e mesfushorëve defensivë më të vlerësuar në kampionatin italian.
Ramadani ka kontratë me ekipin italian deri në vitin e ardhshëm kurse kartoni i tij vlerësohet rreth 3 milionë euro.
Ai prej vitit 2023 është pjesë e Lecces kurse këtë sezon ka bërë 1 asistim në 32 ndeshje të luajtura në Serie A.
Krahas Frankfurtit, interesim për Ramadanin ka shprehur edhe skuadra e Torinos, që garon në elitën e futbollit italian.
