Sulmet ajrore izraelite në afërsi të një spitali në Libanin jugor shkatërruan ndërtesa dhe disa automjete emergjence.
11 persona, përfshirë dy fëmijë dhe dy gra, mbeten tw vrarë nga sulmet e së enjtes në gjithë Libanin jugor dhe lindor, sipas Ministrisë libaneze të Shëndetësisë dhe medias shtetërore.
Ministria tha në një deklaratë se një sulm izraelit shënjestroi një motoçikletë në qytetin e Tyrit, duke vrarë një burrë palestinez.
Një tjetër sulm në qytetin Ansariyeh në distriktin Sidon vrau pesë persona, përfshirë dy fëmijë, dhe plagosi pesë të tjerë, shtoi ministria.
Në distriktin Nabatieh, një sulm ajror në qytetin Jbaa vrau katër persona, përfshirë dy gra, tha ministria.
Agjencia Kombëtare e Lajmeve raportoi se një burrë libanez u vra në një sulm të veçantë në mëngjes herët që goditi shtëpinë e tij në qytetin Hebbariyeh në distriktin Hasbaya.
Aeroplanët luftarakë izraelitë goditën gjithashtu zonën Jabal al-Rafii në malësitë Iqlim al-Tuffah dhe shënjestruan një shtëpi gjatë natës në lagjen Salam të Nabatieh, tha agjencia.
Në distriktin Bint Jbeil, një sulm goditi zonën midis qyteteve Kafra dhe Haris, raporton Anadolu.
Agjencia tha se përleshje të ashpra shpërthyen në Bint Jbeil midis luftëtarëve të Hezbollahut dhe forcave izraelite, me përfshirjen e avionëve luftarakë dhe helikopterëve izraelitë.
Luftime të ndërprera u zhvilluan edhe në hyrjet e qytetit, ndërsa forcat izraelite shkatërruan shtëpitë pranë tregut kryesor, sipas raportit.
Ushtria izraelite rinovoi paralajmërimet për banorët në jug të lumit Zahrani që të evakuojnë shtëpitë e tyre dhe të shkojnë në veri përpara sulmeve të mundshme.
Sipas raportit, sulme të tjera shënjestruan Wadi Shbeil në zonën Qatrani të Jezzine, pasi bastisjet gjatë natës në të njëjtën zonë ndërprenë energjinë elektrike në qytetet Qatrani dhe Sreireh.
Izraeli ka vazhduar sulmet në të gjithë Libanin pas një sulmi ndërkufitar nga Hezbollahu më 2 mars, pavarësisht një marrëveshjeje armëpushimi të nëntorit 2024.
Autoritetet shëndetësore libaneze thonë se që nga marsi, më shumë se 2,160 persona janë vrarë, mbi 7,000 të plagosur dhe mbi një milion të zhvendosur.
