Skuadra e Barcelonës ka mbyllur rrugëtimin në Ligën e Kampionëve, pasi u eliminua në çerekfinale nga Atletico Madridi.
Atletico avancoi në gjysmëfinale të Championsit me rezultatin e përgjithshëm 3:2 pas dy ndeshjeve të luajtura.
Duelin e parë, Atletico e fitoi 2:0 në “Camp Nou”, ndërsa të kthimit e humbi 2:1 në shtëpi, të martën mbrëma.
Barcelona triumfoi në “Wanda Metropolitano” por fitorja nuk ishte e mjaftueshme për kualifikim në gjysmëfinale.
Të tre golat në duelin e kthimit u shënuan në pjesën e parë, ndërsa në të dytën u anulua një gol i Barçës.
Lamine Yamal (4′) e Ferran Torres (24′) shënuan për Barcelonën kurse Ademola Lookman (31′) realizoi për Atleticon.
Me të filluar pjesa e dytë, Barcelona realizoi me anë të Torresit sërish, por goli u anulua për pozitë jashtë loje.
Deri në fund të ndeshjes, Barcelona mbeti me një lojtar më pak sikurse në duelin e parë.
Por, këtë herë me karton të kuq u ndëshkua Eric Garcia pas rishikimit të VAR-it.
